Liebesbriefe "... & Radieschen" #6
Desiree, oh Desiree,
die Liebe is do nur a fader Schmäh,
Gefühle san recht schnö passe,
und a da Sex,
deswegn mach i mid meina Flex
aus unsre Herzn Frikassee.
Dei Radieschen desillusionée
Irene, ach Irene,
unsre Liebe is nua no a Gfrett,
kumm, nehm’ ma a Stilett,
ritz’ ma uns a Vene,
quer durch Fleisch und Sehne
und nach fünf, sechs Liter
Blutgerinnsel
is Schluss mit dem Gewinsel.
Dei Radieschen Samariter
Diana, ach Diana
wos mach ma denn in da Toskana?
Kumm mit mir ins Nirwana,
unsre Liebe wird scho imma klana,
bald geh i zu de ondan Bana
und dann wirst wana
Dei Fata Radieschen Morgana
Sarah, ach Sarah
unsre Küsse werden rarer
und mei Plan wiad imma klarer:
verirr ma uns in da Sahara
ohne Auto, ohne Fahra,
ohne Kompass oda Dromedara
Nur mia Radieschen zwara
Hilde, ach Hilde,
wenn die Gefilde
der Liebe erst hinter uns liegn
werd i mid an Flugzeug fliegen,
mid zuwenig Sprit.
Dei Radieschen bitt’:
P.S.: Kommst mit?
P.P.S.: Bist im Bilde?
Marie, ach Marie
tiefa wia auf da Pathologie
wird unsre Liebe nie sein
drum bind’ ma uns an Stein ans Bein
und hupfn dann ins Wasser,
zwar macht des unsere Liebe nasser
doch auch rein.
Radieschen, für imma dein
Anastaserl, ach Anastaserl,
mei Mauserl, mei Katzerl, mei Haserl,
kumm, trink ma a letzt’s Glaserl
und hoppel’ ma, ach,
vom Dach,
in an gemeinsamen Extaserl.
Dei Radieschen, scho gaunz schwach
Camilla, oh Camilla,
um unsre Liebe wird es stiller,
schmeiß ma uns vorn Caterpillar,
engagier’ ma uns an Killer,
hau’ ma uns am Griller
ogrennts Fleisch vom Billa.
Dei Radieschen,
früher rosa, jetz’ scho lila.
Amanda, ach Amanda,
mia san gstanden aufananda,
jetz’ lass ma imma’s Gwand a,
geh, stell’ di an die Wand da
oda lahn’ di durt ans Glanda,
mir gengan fia imma ausananda.
Dei Radieschen, steht allan da
Annelies, ach Annelies,
mid dir war i im Paradies,
doch wird einmal die Liebe mies,
san Gefühle nur mehr a Verlies,
schön is erst, wann’s aus dann is,
drum kost’ die alte Auster, iss.
Dei gfangenes Radies’
ap